(55) lang na Rawt Malan Masat Ninghtoi hte Magam Gun Ladaw (50) ning hpring shagrau sha a hpawng galaw

(55) lang na Rawt Malan Masat Ninghtoi hte Magam Gun Ladaw (50) ning hpring shagrau sha a hpawng hpe Ginjaw komiti Rung ni woi awn nna, 2015 ning February shata (5) ya shani jahpawt hkying (8) aten Padang Hkrunlam Majan Masing Woi Awn Rung Gawknu hta galaw ai lam chye lu ai.

Hpawng ap akyu hpyi, magam gun ladaw 50ning, 40ning, 30ning, 20ning,10ning, hpring ai magam gun ni hte rawt malan hkrunlam a matu hpung up hpung sara, Wajau ni kaw nna akyu hpyi ya nhtawm  KIC ningbaw kaba a rawt malan mungga hpe Slg.Kaba Lama Gum Hpan kaw nna hti shalai ya ai lam chye lu ai.

Magam Gun (50) ning hpring ai Magam gun ni marai (4) hpe Ja Dakama hte Myen Gumhpraw Kyats Wan mi, shagrau sha-a lakmat ni hpe Ningbaw Kaba Lanyaw Zawng Hkra kaw nna shalai ya ai lam,Magam gun ladaw (40) ning hpring ai marai (2), (30) ning hpring ai marai (7), (20) ning hpring ai marai (14), (10) ning hpring ai marai (37) ni hpe Ninggawn Daju Party Komiti Tingyang Up Du Kaba Awng Seng La kaw nna  shagrau sha-a sakse lakmat shalai ya ai lam galaw ai hpe chye lu ai.

Hpawng hta shanglawm ai magam gun ni hte mung shawa ni yawng marai (1000) jan re lam,bai ndai zawn (55) lang na Rawt Malan Masat Nhtoi lamang hpe Ginwang Ginjaw komiti hte Dap Ba,Dap Dung shagu, Maigan Mungdan shara shagu de du nga ai Wunpawng amyu sha ni,Buga shara shagu de nga ai wunpawng  amyu sha  ni mung galaw nga ai lam hpe na chye lu ai.